【中小企HR錦囊】零售業請人篇

踏入2019年,借呢個機會,同各位講聲新年快樂,事事順利!

可能你會問,呢篇又係關於請人?無錯!因為中小企最難就係請人同留人,所以今次又畀小小idea大家,希望幫到你哋!

筆者朋友係零售業老闆,實體舖越開越多,發現越黎越難請sales,登JobsDB,又無乜反應,咁我就獻計啦,估唔到個效果又幾好喎!

公司同事Referral

其實同事喺一間良心小店返工返得開心,係好願意介紹朋友入公司的,所以畀Referral Bonus介紹人同被介紹人都有係一個有助請人嘅好方法!

善用Facebook Page

朋友個Facebook Page有幾萬個Like,咁就要善用,試下係Facebook登廣告請人,估唔到有好多平時買開嘢嘅客人,因為自己親身感受過sales好好嘅service,對呢間公司有好正面嘅感覺,所以就介紹家人同朋友應徵,後來真係請到幾個好好嘅員工!

調整人工package

Sales 嘅人工package通常包括basic salary同commission,朋友將commission調整,令到同事嘅總人工比之前高,工作更有衝勁,同時公司營業額又有所增長,達致雙贏!

做緊零售行業HR嘅你,不妨一試!